ئەی شێخی تەکیەزل و خانومانی دین بچووک
از کتاب:
دیوانی سابیری
اثر:
صابری (1881-1944)
1 دقیقه
593 مشاهده
ئەی شێخی تەکیەزل و خانومانی دین بچووک
وەی پیری دەعیەزل و گرانجان و عەقڵ سووک
بۆ مەنفەعەت ئەچیتە پێشەوە برا گەورەکەم
ڕۆژی سەخا ئەکەویتە دووا وەک برابچووک
ئەمڕۆ بە باڵ و پەڕی دەوڵەمەندی ئەفڕی و سبەی
باڵ و پەڕت لە دۆزەخا ئەبێ هەڵەپڕووک
چونکە خودا گرانی و حوڕمەتێکی دا بە تۆ
لائیق نییە بڕوانییە ئێمە بە چاوی سووک
سەد کە ساحیبی دینار و دەرهەم و شەوکەتی
وێرانە باغ و زەراعەتی دینت بە دووک و شووک
هەرچەندە گفتوگۆم خۆش نییە لە کن عەوام
بۆ عیللەتی دەروون خاسترە لە حب الملوكعربی
باوەڕبکە قسەکانم هەموو کۆک و بێ غەشە
گەر عەیبی لێ ئەگری وەرە بکۆکە چرووک
هەرچی بڵێم بە قەوم و بێگانە فوجئەتەن
ئامادە لەسەر چۆک و ئەمدەنە بەر چەپووک
هەر پووکەپوکتە گوێزی پووک ناشکێ بە پووک
ئەی پیری سەرسپی سووکەسووک مەکە لە دەوری بووک
خامۆش سابیریتخلص کە نەسیحەتشنەو نەما
نووسراوی خۆت بشارەوە مەزرووف و سەر بلووک!