پیری کردم دەرد و زامی عەشقی جانان ئەی دەریغ
از کتاب:
دیوانی سابیری
اثر:
صابری (1881-1944)
2 دقیقه
1248 مشاهده
پیری کردم دەرد و زامی عەشقی جانان ئەی دەریغ
تووشی من بوو داستانی پیری کەنعان ئەی دەریغ
مەحرەمێ دەست ناکەوێ شەرحی غەمی دڵ بالتمامعربی
پێی بڵێم بەڵکوو دەواکا دەردی هیجران، ئەی دەریغ
بولبول و گوڵ، شەمع و پەروانە هەموویان پێکەوەن
من وەکوو یووسف بەتەنها حەپسی زیندان ئەی دەریغ
دڵ بەدووتا هات و چاودێری کە یا بینێرەوە
با نەفەوتێ میحنەتی کێشاوە بۆمان ئەی دەریغ
داد و فەریادم لەلای ئەو شۆخە تەئسیری نییە
گەرچی فرمێسکم جیهانی کردە تۆفان ئەی دەریغ
تابەکەی قوربان بناڵێنم لەناو بەیتولحەزەن؟
بۆنی جامەی تۆ نەهات بۆ نووری چاوان ئەی دەریغ
مەحرەمێ دەس ناکەوێ ئازاری دەردی پێ بڵێم
ڕۆژ و شەو یار و حەکیمم بۆتە گریان ئەی دەریغ
ئەم هەموو گریانە یا ڕەب بۆ چی تەئسیری نەکرد
شیوەنم مانەندی تۆفان خەڵکی شێوان ئەی دەریغ
سابیریتخلص لا تقنطواعربی موژدەی تەواوی دا بە تۆ
حەیفە قەلبت موتمەئین نابێ بە قورئان ئەی دەریغ!
بووعەلی سینا لە سۆز و ئاهی سینەم عاجزە
لەم برینی بێ دەوا حەیرانە لوقمان ئەی دەریغ
تیببی جالینووس و لوقمان و ئەرەستوو موشکیلە
تێبگەن لەم عیللەتە یا خود لە دەرمان ئەی دەریغ
چاوەڕێی موژدەی نەسیمم تاقەتم چووبوو نەهات
بەڵکوو بێنە قالبی مردوو دڵ و جان ئەی دەریغ
سابیریتخلص هەر چاوەڕێی جەژنی ویسالی دولبەرە
کاشکێ ڕۆژێ دەبوومە قۆچی قوربان ئەی دەریغ