دڵ بە ئوممیدە کە شا بێ شانشین خاڵی دەکا
از کتاب:
دیوانی سابیری
اثر:
صابری (1881-1944)
1 دقیقه
1504 مشاهده
دڵ بە ئوممیدە کە شا بێ شانشین خاڵی دەکا
مامەڵەی فەرشی حەریر و ئارەزووی خاڵی دەکا
باوەڕم نایە مەزەننە، خۆی دڵی خۆی خۆش ئەکا
کوێر و کەڕ کەی تەرجومانی حەزرەتی واڵی دەکا؟
جاهیلی ئەبتەر وەسییەت بێ عەقیدەی پێ مەکەن
سەبر ئەگەر بیخەیتە ناو هەنگوینەوە تاڵی دەکا
گەرچی ئەمڕۆ مەرتەبەی ناکەس بڵند و کەس نەوی
کیزبی مەحزە گەر بڵێن عەللامە حەمماڵی دەکا
گەرچی مشکی و خامەک و ئەتڵەس هەمووی کاری دەسە
کوێری مادەرزادە کەی خورج و بەڕە و خاڵی دەکا؟
هەمنشینی وشکەسۆفی قەت مەکەن نەفعی نییە
گەرچی دایم بەحسی شیعری مەولەوی و ناڵی دەکا
سابیریتخلص وریا بە ئەبنائی زەمان نزدیکە لێت
نەک بڵێن ناشی سوارە ڕوو لە جێی چاڵی دەکا
سابیراتخلص تۆ چیت بەسەر دوونپەروەری دەورانەوە
گوێدرێژی خۆیەتی حەز کا بە گوێ ناڵی بکا