٣٤
مەباحسیا مەمێ دگەل بایی هەواداریا دگەل هەوایی
از کتاب:
مەم و زین
اثر:
احمد خانی (1650-1707)
2 دقیقه
1132 مشاهده
گەهـ بەحس دکر د گەل سەبایی
شەرحا غەمێ دل دگۆتە بایی
کای جسمێ لەتیفێ شوبهەتی رووح
دەرگاهێ بەدەن ل بەر تە مەفتووح
ئەز هیڤی دکەم کو بێ تەوەققوف
رەنجیدە قەدەم ب بێ تەکەللوف
جارەک هەڕە سدرة السعادةعربی
گاڤەک هەڕە سدرة النهایةعربی
ئەووەل تو ببۆسە ئاستانێ
پاشی هەڕە پێشی دلستانێ
ئەمما ب تەوازع و ب تەعزیم
سەد مەرتەبە ئحترام و تەکریم
ئاهەستە ژ بۆ بکە دوعایێ
وابەستەئێ وێ بکە سەنایێ
شایەستە بکە تو ئحترامێ
دەست بەستە ڤەوەست بکە سەلامێ
پاشی حەرەکەت کە پێشڤە چاپک
سقلەت نەکری ل تەبعێ نازک
ئەڤ نامە کو خوونێ دل مدادە
ئەو سەفحە کو مەردومەک سەوادە
پەردێ مەلڤین ژ بەر جەمالێ
تەنها بدە دەستی عەرزحالێ
زنهار! د با نەکی نقابێ
گاڤا کو دخۆنتن کتابێ
بێژێ ژ مە ڕا: کو پادشاهم
بندَنْ آکاسویلهعربی: قبلەگاهم
لەو مەتلەعێ نوورێ ذوالجلالعربیی
لەو مەنبەعێ کەوسەرا زەلالی
لەو مەنزەرێ مەزهەرا ئیلاهی
ئەم بۆ تە گەدا تو پادشاهی
دا بۆ مە ب حەققی موتتەسف بی
دەر حەققێ مە عەدل و مونتەسف بی
دەر دیدە ژ دیدەئی تەوەللا
گەهـ گاهی بکی ل دل تەجەللا
ئەڤ دەئبێ قەدیمە پادشاهان
وان عامە نەزەر ل پوڕگوناهان
واللهعربی گونەهێ خوە ئەز نزانم
ئەمما مە دلەک هەبوو دزانم
ئەو دل پەریان ژ من ڕەڤایە
ئەڤ پێلەکە ئەو ژ من جودایە
وەقتێ کو د گەل من ئەو تەبا بوو
ساحب هەوەس و خودان هەوا بوو
بەلکە کربت خەتا و عسیان
ئنسان خولقین ب نەقس و نسیان
سەد جار کو زێدە پوڕ گوناهە
لێ سایەئێ زولفێ تە پەناهە
گەر قەهرێ بکی ل وی جەزایە
وەر عەفوێ بکی عەجەب عەتایە
ئەڤ ڕەنگە ببێژە ئەی سەبا تیز
و آنگاه زمین ببوس و برخیزفارسی
ئەی بادێ سەبا ب حەققێ مەعبوود
گاڤا وەکوو تێی ژ پێشی مەقسوود
زنهار! هنەک ژ خاکێ دەرگاهـ
بینە ژ مە ڕا د گەل خوە هەمراهـ
تۆزا کو ژ ڕەنگێ تووتیایە
بینە ب خوە ڕا کو کیمیایە