٣٢
مەجنوونیا مەمێیە ژ عشقا لەیلایێ، وامقیا وییە ژ دەردێ عەزاریێ
از کتاب:
مەم و زین
اثر:
احمد خانی (1650-1707)
2 دقیقه
1087 مشاهده
مەم ژی ژ خەیالێ ڕوویێ دلدار
یەعنی کو ژ ئارەزوویێ دیدار
بوو دینەکێ دلپەزیرێ سەودا
مەجنوونەکێ بێ نەزیرێ شەیدا
غالب گەڕیا ل عەقلی دەهشەت
موئنس گەڕیا ل قەلبی وەحشەت
نە قابلێ حەملێ داغ و دەردان
نە نائلێ سەیرێ باغێ وەردان
حاسل کو نەبوو وسالێ زینێ
راحەت چو نەبوو ژ بەر برینێ
لەورا کو دو تەشتە لەب د بێ گاڤ
بێ تاب ببن ژ بۆ فڕەک ئاڤ
ناگەهـ بڕ ژت ژ ئاسمانی
سەرچەشمەئێ ئابێ زندەگانی
یەک تەشنە مورادێ دل هەلینت
یەک سووختە هەر وسا بمینت
یەک کەسبێ بکەت حەیاتێ سەرمەد
ئێ دی دچتە مەماتێ مومتەد
تاجدین کو ئەو وسال دەست دا
ئەو ڕەنگ ل مەمێ مەلال دەست دا
ئەسلا ژ غەمان نەبوو مو اسا
مەحزا ب کەسان نەبوو مودارا
قەتعا وی نەبوو ل جهـ قەرارەک
ئەسلا وی نەبوو ب کەس مەدارەک
ئەو وەقتێ وەکوو دچوویە پێش میر
تە دگۆ کو دوساغە پ ێ د زنجیر
هەر لەحزە ژ دەرد و ئاهـ واهێ
ئاگر دگهاندە بارگاهێ
گاڤا کو دچوویە پێشی تاجدین
ئەو ژارە د گەل دلێ ب نالین
نەدشێ بکەتن مەدار و سوحبەت
نەدبوو بگرت قەرار و ئولفەت
ناچار ژ هێشەتێ دچوو دوور
هەمدرەد دبوو د گەل شەتێ کوور