وژینبوکس > مینه جاف > دیوانی مینە جاف > پێم بڵێ تا کەی لە دووریت دڵ بە ئێش و خەستە بم

پێم بڵێ تا کەی لە دووریت دڵ بە ئێش و خەستە بم

از کتاب:
دیوانی مینە جاف
اثر:
مینه جاف (1911-1965)
 1 دقیقه  325 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
پێم بڵێ تا کەی لە دووریت دڵ بە ئێش و خەستە بم
چاو بە خوێن و سینە ڕێش و وا بریندار جەستە بم
تاکوو کەی جەرگم بریندار بێ بە شین و ناڵەوە
هەر لەسەر تاکوو قەدەم من زەهری ماران گەستە بم
چاوەکەم تۆ بی و خوا وەک قاتڵان تا کەی ئەمن
بەو شکەنجەی پەرچەمی خاوت ئەبێ پا بەستە بم
تۆ بڵێی خوا لێت قبووڵ کا ئەم هەموو جەور و جەفا
خوڕەم و دڵخۆش ڕەقیب و من زەدەی ئەو شەستە بم
سا تەرەححوم کە بە حاڵم تو جوانیت دولبەرا
با بە وەسڵی قامەتت ساتێ لە دەس غەم ڕەستە بم
بۆچ ڕەقیب وەک سەگ نەناڵێ کەعبە کەچ نابێ ئەگەر
دەفعەیێکیش من لە سایەی پەرچەمی پڕ دەستە بم
کەیف و شەوقی شەهریاری چۆن ئەبێ بەو عوشرەتە
جورعە نۆشی شەهدی ماچی ڕوومەتی بەرجەستە بم
چی ئەبێ گەر مەرحەمەت کەی دولبەرا ماچێ بە من
مینەتخلص ئاسا با زەمانێ من بە تۆ پەیوەستە بم