پێم بڵێ تا کەی لە دووریت دڵ بە ئێش و خەستە بم
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
317 بینین
پێم بڵێ تا کەی لە دووریت دڵ بە ئێش و خەستە بم
چاو بە خوێن و سینە ڕێش و وا بریندار جەستە بم
تاکوو کەی جەرگم بریندار بێ بە شین و ناڵەوە
هەر لەسەر تاکوو قەدەم من زەهری ماران گەستە بم
چاوەکەم تۆ بی و خوا وەک قاتڵان تا کەی ئەمن
بەو شکەنجەی پەرچەمی خاوت ئەبێ پا بەستە بم
تۆ بڵێی خوا لێت قبووڵ کا ئەم هەموو جەور و جەفا
خوڕەم و دڵخۆش ڕەقیب و من زەدەی ئەو شەستە بم
سا تەرەححوم کە بە حاڵم تو جوانیت دولبەرا
با بە وەسڵی قامەتت ساتێ لە دەس غەم ڕەستە بم
بۆچ ڕەقیب وەک سەگ نەناڵێ کەعبە کەچ نابێ ئەگەر
دەفعەیێکیش من لە سایەی پەرچەمی پڕ دەستە بم
کەیف و شەوقی شەهریاری چۆن ئەبێ بەو عوشرەتە
جورعە نۆشی شەهدی ماچی ڕوومەتی بەرجەستە بم
چی ئەبێ گەر مەرحەمەت کەی دولبەرا ماچێ بە من
مینەناسناوی ئەدەبی ئاسا با زەمانێ من بە تۆ پەیوەستە بم