وژینبوکس > مینه جاف > دیوانی مینە جاف > شەوی هیجرانە دیارە ڕۆژ لە من نابێتەوە ئەمشەو

شەوی هیجرانە دیارە ڕۆژ لە من نابێتەوە ئەمشەو

از کتاب:
دیوانی مینە جاف
اثر:
مینه جاف (1911-1965)
 1 دقیقه  531 مشاهده
زبان:
کردی مرکزی
قالب:
غزل
وزن:
مفاعیلن مفاعیلن مفاعیلن مفاعیلن∪–––/∪–––/∪–––/∪–––
هزج مثمن سالم
گزارش اشتباه
فونت:
شەوی هیجرانە دیارە ڕۆژ لە من نابێتەوە ئەمشەو
یەکایەک زامەکانی دڵ بە خوێن ئەکوڵێتەوە ئەمشەو
دەمێکە بێ خەمم یاران تەماشای شوومی بەختم کەن
لە کوێوە ئەی فەڵەک توخوا منت بیرکەوتەوە ئەمشەو
خەوم لا شوومە ئارامم نەماوە تاقەتم تاقە
ئیلاهی بۆ منی بەدبەخت دەلیلێ بێتەوە ئەمشەو
شەوێکە تاڵ و تاریک و پڕ ئەندێشە و خەم و ئێشە
خوایا سا بە لوتفی خۆت بڵێ ڕۆژ بێتەوە ئەمشەو
ئەوەندە خار و خاشاکی خەم و ئێش و خەفەت لامە
بەڕاسی ئاگری جەرگم ئیتر ناکوژێتەوە ئەمشەو
لە هەوری ڕەحمەت و لوتفت ببارێنی خوا تاوێ
بەسەر کوورەی دەروونمدا کە ساردی کاتەوە ئەشمەو