مەسکوونی گۆشەی دڵەی سەد پارەم
نامە بۆ مەفتوون
از کتاب:
دیوانی جەفایی
اثر:
جفایی (1835-1890)
1 دقیقه
506 مشاهده
مەسکوونی گۆشەی دڵەی سەد پارەم
مەئلووفی دروون وە دەرد ئەوگارەم
نمەز خاکی پای شۆخی شیرینت
ڕۆشن کەردەن چەم پڕ جە ئەسرینت
یا سورمەی پاڵاش جە دیدەت دوورەن؟
جەو بۆنە هاڵای دیدەت بێ نوورەن
دڵ مەستی بادەی وەسڵی لەیلەنی
دەروون وە سێڵاو دڵبەر کەیلەنی
یا هێمای تەشنەی جورعەی مەیلەنی؟
کەفتەی کۆساران کۆی دوجەیلەنی؟
کامت تام تاڵ ژار مەهجووری
گرتەن، نەمەندەن پەرێت سبووری
تەفسیلی حاڵت «مەفتووناعلام»ی غەمگین
بکیانە بەڵ دڵ بیاوۆ تەسکین