دڵ سێراوی مەیل پەری پەیکەران
نامەی جەفایی بۆ شەهید
از کتاب:
دیوانی جەفایی
اثر:
جفایی (1835-1890)
1 دقیقه
470 مشاهده
دڵ سێراوی مەیل پەری پەیکەران
ئەجزای تەن تێکەڵ عیشقی دڵبەران
مەستی بادەی وەسڵ زومرەی ئازیزان
سەر حەڵقەی فیرقەی ساحیب تەمیزان
مەقدەمت وە خەیر دوور جە ڕەقیبان
هەمیشە دەر وەسڵ باڵای حەبیبان
چەنی جەیرانان چون لووای وە خەیر
یانێ تەشریفت بەرد وە سەفا و سەیر
من وەجا مەندم دەروون پڕ جە خەم
مەحرووم بۆی ناف سەر دەلیل ڕەم
وە هەر دانەدا وە بێ هاوسەردان!متن نامشخص
موانام ئەی فەرد وێڵ و سەرگەردان:
«ئای وە بێ یاران سەرگەردانە وێم
مەحروومی سەیران هامفەردانە وێم»
تەشریف خەیرت چون ئاوردەوە
وڵات دڵان ئاوا کەردەوە
وبعدعربی دیدەم! سوحبەت گوڵان
پاسە ئاسان نین پەرێ بوڵبوڵان
کێ وەدەس ئاورد گوڵ بێ نێش خار
واسڵ وە مەقسوود کێ بی بێ ئازار
پەوکە پێکیان پای دڵت وە پەیکان
موژگان مەحبووب شۆخ وەش پەیمان
کەفارەتت بۆ دۆسی وەش ڕەفتار
بویەر جە نامای جەفاییتخلص خەمبار
چون تا ئاسانەت جە سەد جا ڕەقیب
جە مەیلی یاران ببۆ بێ نەسیب
مگیرۆم دامان جە گرد سەگ بەدتەر
نمازۆم وە لای «شەهیداعلام» دڵبەر