dił sêrawî meyl perî peykeran
namey cefayî bo şehîd
Li pirtûka:
Dîwanî Cefayî
Berhema:
Cefayî (1835-1890)
1 Xulek
443 Dîtin
dił sêrawî meyl perî peykeran
eczay ten têkeł ’îşqî diłberan
mestî badey wesił zumrey azîzan
ser ḧełqey fîrqey saḧîb temîzan
meqdemit we xeyr dûr ce řeqîban
hemîşe der wesił bałay ḧebîban
çenî ceyranan çun luway we xeyr
yanê teşrîfit berd we sefa û seyr
min weca mendim derûn piř ce xem
meḧrûm boy naf ser delîl řem
we her daneda we bê hawserdan!Teksta ne aşkira
mwanam ey ferd wêł û sergerdan:
«ay we bê yaran sergerdane wêm
meḧrûmî seyran hamferdane wêm»
teşrîf xeyrit çun awirdewe
wiłat diłan awa kerdewe
wibi’dErebî dîdem! suḧbet gułan
pase asan nîn perê bułbułan
kê wedes awird guł bê nêş xar
wasił we meqsûd kê bî bê azar
pewke pêkyan pay diłit we peykan
mujgan meḧbûb şox weş peyman
kefaretit bo dosî weş řeftar
buyer ce namay cefayîNasnava edebî xembar
çun ta asanet ce sed ca řeqîb
ce meylî yaran bibo bê nesîb
migîrom daman ce gird seg bedter
nimazom we lay «şehîdNava taybet» diłber