سەر حەڵقەی فیرقەی مەعشووقان یەکسەر
از کتاب:
دیوانی جەفایی
اثر:
جفایی (1835-1890)
1 دقیقه
316 مشاهده
سەر حەڵقەی فیرقەی مەعشووقان یەکسەر
تەجدید کەردەی شەرع «شاهید»ی ئەنوەر
ئەر سەد وە خیلاف شەرعی مەنسووبم
وە ئەهل خەتا و تەقسیر مەحسووبم
لایەق پەی دۆزەخ بێ مەیلی یارم
تا سزا پەی وەسڵ دار القرارعربیم
بەڵام پەرێ من کێ جای ئومێدەن
سیوای تۆ وسووڵ بزورگی ئێدەن؟
ئیحسان کەرەم چەنی بەد ڕەفتار
کەرۆ نە هەر پەی پاکان کەرەمدار
فامح ما تشا من خطيئاتيعربی
چون ساحیب لەرح مەحو و ئیسباتی
سابتەن تێشدا عیلم دڵداری
یەکسەر چی بیەن هەن مەبۆ جاری
نیقاب نە جەماڵ مەرحەمەت لابەر
پەی حوزوور وێت ئیمای ئامام کەر
جامێ جە مەی وەسڵ بدەر وەی حەیران
مەخسەڵ دەرۆ گەرد دەردان هیجران
هەنی سەرتاپام ئەر بۆ بۆوە هوون
وە تیر بەڵای گەردوونەکەی دوون
شەرت بۆ شەرت و عەهد لای خەم نەسیبان
پەرێ داخ دڵ زومڕەی ڕەقیبان
عەشق شێوەی تۆ نەشۆ ئەو بیروون
تا ئاخر نەفەس نە تۆ تۆی دەروون