خوێنی چاوم وا خرۆشاوە خەریکە سەربەرێ
از کتاب:
دیوانی حەمدی
اثر:
حمدی (1876-1936)
1 دقیقه
742 مشاهده
خوێنی چاوم وا خرۆشاوە خەریکە سەربەرێ
ئیحتیمالە بەم کوڵی گریانە ڕیشەی دڵ بەرێ
دڵ نەبێ چیمە لە بەحری عەشقی یاری بێ وەفا
هەڵدڕێ ڕەببی وەکوو ماسی بە نووکی خەنجەرێ
عاشقی ئەمڕۆ لە دنیادا نەمابوو نەوعی تۆ
گەر بە بێ ڕەحمی دەبوو شۆخی قەشەنگی دلبەرێ
نازی ئەرزی بۆ نەکێشێ ئەوجی ئیعلایی فەلەک
کەی بە سنگی خۆیەوە دیویە وەکوو تۆ ئەختەرێ
بێرە خەندە غونچە قیڕووسیا وەکوو گوڵ شەق دەبا
با ئەمەندە بگری بولبول تا وەکوو گیانی دەرێ
خاڵییە دنیا لە مەرد و تاقەتی سەودا نەما
بێتە مەیدانی موحیببەت ماوە گەر تەنها سەرێ
تۆ خەرامان بێرەوە دەڕوا جەهەننەم عالەمێ
سەد هەزاری هەر وەکوو حەمدیتخلص لە دەوری تۆ گەڕێ