نامەردییە بە مەردێ ئەڵێن خەڵقی سەرچڵی
از کتاب:
دیوانی حەمدی
اثر:
حمدی (1876-1936)
1 دقیقه
772 مشاهده
نامەردییە بە مەردێ ئەڵێن خەڵقی سەرچڵی
دڕکی نەبێ بزانە دەکا ئاخۆ گوڵ گوڵی
ئەم گوڵشەنی حەیاتە نە ڕەنگی دەبێ نە بۆ
نەکرێ بە خوێنی ئاڵی جگەر فەرشی گوڵگوڵی
گەر خۆت ئەناسی باسی ئەم و ئەو نەکەی دەخیل
ناچێتە جێی پڵنگەوە گورپە بە پڵپڵی
پەروانە خۆی دەخاتە گڕی ئاگر و دەڵێ
بێ نووری مەعریفەت دەکرێ قەت بەدڵ دڵی
بەد بەختییە ڕەقیبی کە کردۆتە یاری یار
دیوتە بزانە زوڵمەت و شوعلە بەتێکەڵی
پرسیم لە مادەری زەمانە کە تۆ تەجرەبەت هەیە
چ خۆشە پێی وتم نەفەسی زیندەگی کەڵی
مەفهوومی شیعرەکانی نەبی حەمدیتخلص حەقیەتی
بێ گوڵ دەکا لە سەحنی چەمەن فیسقە بولبولی