قەت مەکەن بۆ من حیکایەی عەندەلیب و باسی گوڵ
از کتاب:
دیوانی حەمدی
اثر:
حمدی (1876-1936)
1 دقیقه
473 مشاهده
قەت مەکەن بۆ من حیکایەی عەندەلیب و باسی گوڵ
پڕ لە نەشئەی حوسنی یارە تێکهەڵێ بەو باسە دڵ
با لە دیدە هەڵقوڵێ فرمێسکی حەسرەت نەخلی غەم
نەک لە تینوانا وشک بێ سا دڵە هەر کوڵدە کوڵ
مەزرەعەی ئومێدی ئەهلی دڵ گەڵا ڕێزانییە
فیرقەتیش وا ئاگرێکە بەر بووەتە چێو و چڵ
لەم دەرە دەرچوونی ڕۆحم دەردەخا ئەهلی وەفا
هەر دەبێ بیباتە جەننەت وەختی مردن ئاو و گڵ
مونکیری ئەهلی موحیببەت کوفرە وەک زوهدی ڕیا
ئەم هەموو ئوباڵە زاهید چۆنی پێگیرایە مل
ئەهلی بینش ئینتزاری گەردی ڕێگەی تۆ دەکەن
غەیری سۆفی کەس لە چاویدا نەماوە قەدری کل
حەمدیتخلص ئەربابی وەفایە موستەحەققی کوشتنە
بۆ لە یاران جێ بمێنێ دابمێنێ مونفەعیل