قەت مەکەن بۆ من حیکایەی عەندەلیب و باسی گوڵ
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
461 بینین
قەت مەکەن بۆ من حیکایەی عەندەلیب و باسی گوڵ
پڕ لە نەشئەی حوسنی یارە تێکهەڵێ بەو باسە دڵ
با لە دیدە هەڵقوڵێ فرمێسکی حەسرەت نەخلی غەم
نەک لە تینوانا وشک بێ سا دڵە هەر کوڵدە کوڵ
مەزرەعەی ئومێدی ئەهلی دڵ گەڵا ڕێزانییە
فیرقەتیش وا ئاگرێکە بەر بووەتە چێو و چڵ
لەم دەرە دەرچوونی ڕۆحم دەردەخا ئەهلی وەفا
هەر دەبێ بیباتە جەننەت وەختی مردن ئاو و گڵ
مونکیری ئەهلی موحیببەت کوفرە وەک زوهدی ڕیا
ئەم هەموو ئوباڵە زاهید چۆنی پێگیرایە مل
ئەهلی بینش ئینتزاری گەردی ڕێگەی تۆ دەکەن
غەیری سۆفی کەس لە چاویدا نەماوە قەدری کل
حەمدیناسناوی ئەدەبی ئەربابی وەفایە موستەحەققی کوشتنە
بۆ لە یاران جێ بمێنێ دابمێنێ مونفەعیل