نابەجایی کەس نەدی حەتتا لە حەیوانی ئەسیل
از کتاب:
دیوانی حەمدی
اثر:
حمدی (1876-1936)
1 دقیقه
434 مشاهده
نابەجایی کەس نەدی حەتتا لە حەیوانی ئەسیل
هەر بە نائەسڵی بزانن زاڵمی ئەحمەق دەخیل
سەگ بە سائیل هەر وەڕینێکی هەیە ئەمما ڕەقیب
ناوەڕێ تا نەمگرێ موعتادییە کەلبی بەخیل
من لە خۆشی ئەو دەمە نەقسوددەمم وا پێگەیی
قوڕ بەسەر لالە کە داغی چۆتە دڵ ئەمرێ بە سیل
من بە زیکری ڕوومەتی ئەو شۆخە ڕۆژم کردەوە
سۆفی ڕووی ڕەش بێ لە شەودا نەیبووە زیکری جەمیل
بەو ئیشارەی ئەبرووانە وا لەتی کرد جەرگ و دڵ
قەت وەهای ناکا بە دوو لەت خەنجەر و شیری مچیل
هەر لەکن پیری موغانە عەرز و حاڵی مەیکەشان
ئەو جەوان مەردانە دەگرن حورمەتی پیری زەلیل
ئەم فیراقەم بۆ بووەتە باعیسی شادی ڕەقیب
ئاگری نەمروود دەبێتە گوڵشەنی خاسی خەلیل
بۆ کەناری سەومیعەم مورشید دەبا وا تێدەگا
پیری عەشقم بۆ دەری بتخانە نابێتە دەلیل
گیانەڵاوە بۆ ئەم گلاراوەی کە کەوتە ڕۆحەوە
سا وەرە بیبە ئەمیش هەر وەک دڵت بردم بە دیل
بۆ چی حەمدیتخلص وا بە سووکی سەیری ئەهلی دڵ دەکا
بۆ بە گوێیا نەچوە مێشوولە کەچی کردوە بە فیل