تا دەماغم کەیلی عەتری زلفی بوو شەو بۆم ئەکرد
از کتاب:
دیوانی حەمدی
اثر:
حمدی (1876-1936)
1 دقیقه
719 مشاهده
تا دەماغم کەیلی عەتری زلفی بوو شەو بۆم ئەکرد
وامدەزانی پووشی وشکە بۆی گوڵی شەوبۆم ئەکرد
دۆزەخی سووتاوی هیجرانە کە دیم جەننەت بەخەو
بەو گوڵانە مەشقی شەوقی ڕوویی وەک پشکۆم ئەکرد
خۆ بەرابەر تاقی کەعبە من نەچووبوومە ڕکووع
کەسری بوو جەبری بە قەوسی قالبی ئەبرۆم ئەکرد
بێ حزووری شەمع ئەگەر پەروانە سووتا عاشقە
من چراخانی شەوی هیجرم لە شەوقی خۆم ئەکرد
هەر ئەزەل ڕۆژی وجوودت بەرگی عاری داڕنی
وەرنە لەو ڕەنگین حەریری سوبحە تانوپۆم ئەکرد
فەرزە سوارە و پیادە ئەی ڕوخ کش بکەن ئێستە لە شا
ماتە بوو خۆ من بە ئۆین عەرزی چاوی تۆم ئەکرد
مێزەری دانا سەر و پێی بۆ نەبوو زاهید ئەمن
فەرقی فەرقی هەر بە گۆ پارەی مل و ئەستۆم ئەکرد
یار لەسەر خۆ هات و لەسەرخۆ چوو کە گوڵ ئەی عەندەلیب
ئاگرت بۆ گرتبوو وتم و وتی بۆسۆم ئەکرد
گەر خەوی شیرین لە چاوی من دەچوو وەک کۆهکەن
حەمدیتخلص بەردی ژێر سەرم نەک بێستوون ئاکۆم ئەکرد