بێنە مەی ساقی دەخیلە مەی دەدا قووەت بە ڕووح
از کتاب:
دیوانی حەمدی
اثر:
حمدی (1876-1936)
1 دقیقه
396 مشاهده
بێنە مەی ساقی دەخیلە مەی دەدا قووەت بە ڕووح
من دەکەم کەشفی دوو دنیا هەر بەیەک چاوی سەبووح
شێخی من تۆبەی هەزاری وەک منی دادا بە من
تۆبەیێکی کرد کە بێتە حاشیەی تۆبەی نەسووح
پیر ئەگەر مەیلی ببێ موشکیل گوشایە نووری مەی
مەیکە شانە گەر لە عالەمدا ببێ ساحێب فوتووح
ئاگری زەردەشت بە ئاهی عاشقی دەکرێتەوە
هەر لە چاوی عاشقێکیش دێتەدەر تۆفانی نووح
تیری موژگانی نەڕێژێ تا بە سورمەی نازی یار
دڵ عیلاجی ناکرێ بۆ ڕشتنی چاوی جورووح
بەزمی مەیخانەم لە تەهلیلەی ڕیا پێ خۆشترە
حەمدیتخلص گەر پەیمانەگێڕی نازەنینی بێ سەمووح