جانا وەرە دەمێکە دوو چاوم لە ڕێوەیە
از کتاب:
دیوانی حەمدی
اثر:
حمدی (1876-1936)
1 دقیقه
527 مشاهده
جانا وەرە دەمێکە دوو چاوم لە ڕێوەیە
حەشرە مەزەننە بۆیە دوو عالەم بەپێوەیە
من عاشقی جەمالی کەسێکم کە کافریش
ئەو حوسنە بابڵێ دەبزانم بە کێوەیە
شێواوە سەر لە عالەم و حەیرانە عەقڵی کول
وەستاوە سالیک و هەموو عالەم لە جێوەیە
نامەی عەمەل موشابیهی ڕەنگی سیاهمە
ڕۆحم فیدات زەلیلم و چاوم لە ئێوەیە
ڕۆژێکی کەس نەپرس و زەمانێکە پڕ لە ترس
بێ ترس و پرس بفەرموو شەفیعت لەمێوەیە
حەمدیتخلص چییە گوناهی دەبێ قابیلی چی بێ
لوتفێکی تۆ عیلاجی هەموو دەردی پێوەیە