نانی ڕەنجی شان ئەخۆم وەک تۆ هەوای جاهم نییە
از کتاب:
دیوانی کەمالی
اثر:
کمالی (1886-1974)
1 دقیقه
397 مشاهده
نانی ڕەنجی شان ئەخۆم وەک تۆ هەوای جاهم نییە
ترسی عەزل و خۆف و بیمی حەزرەتی شاهم نییە
بۆ فەلەک ناکەم تەنەزوول چونکە زۆر دوون پەروەرە
ئیحتیاجی شەوقی ڕۆژ و پڕتەوی ماهم نییە
دەست درێژم گەهـ لە بەغدا گەهـ لە تارانا ئەژیم
حوڕڕ و ئازادم دەسی بەسراو و کووتاهم نییە
بەسمە من ئۆباڵی مەزڵوومان نەچێتە گەردنم
تاقەتی باری حوقووق و ئاگری ئاهم نییە
خۆ یەزیداعلام نیم تاکوو ببمە دوژمنی ئالی عەلیاعلام
شێت نەبووم تابی عەزابی زاتی ئەڵڵاهم نییە
من سەگی قاپی رسول اللهعربی و ئەولادی عەلیاعلامم
بەندەیی زارم خەیاڵی ڕوتبە و جاهم نییە