هاتە نێو باخ دوێنێ دڵداری چەمەن ئارای من
از کتاب:
دیوانی کەمالی
اثر:
کمالی (1886-1974)
1 دقیقه
427 مشاهده
هاتە نێو باخ دوێنێ دڵداری چەمەن ئارای من
گوڵ کوتوپڕ عاشقی بوو وەک دڵەی شەیدای من
بولبولی بێچارە هەستی کرد کە گوڵ باوی نەما
هات و سوجدەی بردە بەر باڵای گوڵی زیبای من
نامەوێ گیانە جواهیر سوورمە تەئسیری نییە
تۆزی ڕێتە نوور بەخشی چاوی نابینای من
هەروەکوو ئاوێنە سەرسامی سەراپای دڵبەرم
یەعنی قوربانی سەراپای یارە سەر تا پای من
دڵبەرم دوێنێ کە تووشم بوو بە عیشوە پێی وتم!
چۆن نەمردوویت تۆ لە حەسرەت لەعلی شەککەر خای من
یار ئەڵێن فەرموویە: وەختی مردنی من دێمە لای
تاکوو زیندووی کاتەوە لێوی مەسیح ئاسای من
پەیڕەوی حەمدیاعلام ئەکەم دائیم کەمالیتخلص بۆیە وا
ویردی خاس و عامە ئەشعاری تەرەب ئەفزای من