ئەو جا بەزمگەی کەس جێ نەڕەستە
از کتاب:
دیوانی مەولەوی
اثر:
مولوی (1806-1882)
1 دقیقه
897 مشاهده
ئەو جا بەزمگەی کەس جێ نەڕەستە
مەنزڵگەی سەیاد هەزاران خەستە
من نەچیرەکەی هەزار زام وەردە
هەر زامێ پەی وێش زوخاو سەر کەردە
ترسیای سەدای ماردم هۆش بەردە
ڕەمیای بۆی بارووت هەردە وە هەردە
کەی تەوانای سەبر دیارانمەن،
یا پەروای تاقەت بێیارانمەن؟
ڕووم کەرد وە سارای هەرد و بەردەوە
وە سەد ترس و لەرز جەستەم شەردەوە
چ داوایێوەن مەکەردێم چەنی؟
بازدێم، نیم ڕەمەق پەی جارێو هەنی