ئەوا ڕۆییم لە داخت شۆخی سیمین بەر خودا حافیز
از کتاب:
دیوانی کەمالی
اثر:
کمالی (1886-1974)
1 دقیقه
1145 مشاهده
ئەوا ڕۆییم لە داخت شۆخی سیمین بەر خودا حافیز
بە جارێ تەرکی عەشقم کرد بتی کافر خودا حافیر
دڵم پۆڵا نییە خۆ پارچە گۆشتێکە بەسە تاکەی
بە ئەبرۆت ئەیدەیە بەر زەربەیی خەنجەر خودا حافیز
لە ئیمان خۆم تەوەللا کرد بە یادی بەژن و باڵای تۆ
ئەوەندەم سوجدە برد بۆ سەرو و بۆ عەڕعەڕ خودا حافیز
هەزار عیلم و دوعام کرد عاقیبەت ئەو چاوە سەححارە
بەتاڵی کردووە ئەی شۆخی ئەفسوونگەر خودا حافیز
کەمالیتخلص دڵ برینداری دەمی شمشێری ئەبرۆتە
بەغەمزەت سا لە سینەی بەس بدە نیشتەر خودا حافیز