دەبێ قوڕ کەم بەسەردا خەڵکە وا دیسان نیگار ئەڕوا
از کتاب:
دیوانی کەمالی
اثر:
کمالی (1886-1974)
1 دقیقه
347 مشاهده
دەبێ قوڕ کەم بەسەردا خەڵکە وا دیسان نیگار ئەڕوا
وەکوو بولبول بناڵم چاکە چونکە نەوبەهار ئەڕوا
زوبانی ڵاڵ بێ بۆچ وا زوو خورووسی سوبحەدەم خوێندی
شەوی وەسڵم بەسەرچوو مەوسمی بۆس و کەنار ئەڕوا
لە دێهاتی ئەبێ سووچی چ دیبێ یاری بێ ڕەحمم
کوتوپڕ واکە زوو بێزار بوو لێمان ڕوو بە شار ئەڕوا
بە پەیکانی موژەی پێکامی ئەو بێ ڕەحمە وای زانی
کە تیری ڕۆستەمە و بۆ دیدەنیی ئەسفەندیار ئەڕوا
ئەگەر مردی لە ساردی میهری دەهری دوون مەبە عاجز
زەواڵی دێ ئەمیش وەک بەفرەکەی پێرار و پار ئەڕوا
کەمالیتخلص بۆ نیساری مەقدەمی جانان تەماشاکە
کە ئەشعارم دوڕ و گەوهەر قەتار ئەندەر قەتار ئەڕوا