خەتی دا ڕوومەتی ئەی ماڵی وێرانم قەمەر گیرا
از کتاب:
دیوانی کەمالی
اثر:
کمالی (1886-1974)
1 دقیقه
552 مشاهده
خەتی دا ڕوومەتی ئەی ماڵی وێرانم قەمەر گیرا
بە تیپی جەیشی هیندی کەعبە وا بێ شۆڕ و شەڕ گیرا
دڵی بردم بە ناز ئەو چاوە مەخموورانە سەرسامم
بە ئاسک بەچچەیەک چۆن وا بەسەهلی شێری نەڕ گیرا
نەبوو هەرگیز دەوای دەردی دڵم تا یاری بێ ڕەحمم
ئیجازەی دا لە لێوی بۆ عیلاجم گوڵ شەکەر گیرا
لە پێچ و تاوی داوی زوڵفی یارا حەپسە گەر عاشق
شەهی ئیقلیمی هیندە وا مەزانە بێ سەمەر گیرا
لە سینەمدا دڵم بەینێ بوو ون بوو بێ سەر و بێ شوێن
لە کۆی ئەو دلبەرە بێ ڕەحمەدا دوایی بە سەر گیرا
شکا بازاری قەندی میسر و بەلجیکا لە ناو کوردا
لە شیعری تۆ کەمالیتخلص شەککەر و قەند هێندە وەرگیرا