تا لەسەر لێوم خودایا باری ئەم هیجرانە بێ
از کتاب:
دیوانی سالم
اثر:
سالم (1800-1866)
1 دقیقه
524 مشاهده
تا لەسەر لێوم خودایا باری ئەم هیجرانە بێ
بێ لەبی من لێوی غونچەت بۆ لەبی کەس وا نەبێ
هەر کەسێ دەستی خەیاڵ لەو زوڵفی تۆ بێنێتە یاد
لەوحی سینەی چاک بە چاک وەک چاک و زەخمی شانە بێ
ورد کە ئەستۆم ئیستیخوانم ئامیتەی خڕخاڵە کە
تەوقە لێم ئەم گەردنە با سیلسیلەی پاوانە بێ
مەرحەمەت بێهوودەیە ئەو شەمعی ڕووی خۆی دەربخا
دڵ دەسووتێ چار نییە لابدعربی دەبێ پەروانە بێ
تا لە فانۆسی جەماڵا شوعلەوەر بێ شەمعی ڕووت
دڵ بە تاریکیی لەگەڵ غەم هەر دەبێ هەمخانە بێ