پەیامی یار

از کتاب:
ڕازی تەنیایی
اثر:
احمد هردی (1922-2006)
 1 دقیقه  3416 مشاهده
لە یارەوە:
لە شۆخ و شەنگی پارەوە
لە ڕازی... پڕ نیهانییا
لەتەک شنەی بەیانییا
پەیام لە یاری جوانەوە
گەیشتە لام
***
بەرامەکەی
گوڵاوی باخی نامەکەی
کە ئاوی زیندەگانییە
شەرابی کامەرانییە
گوڵی هیوای ژیانەوە
گوڵی هیوام
***
چ نامەیێ؟
چ پەنجەیێ، چ خامەیێ؟
ئەوەندە دڵ ئەکاتەوە؟
خەفەت لە بیر ئەباتەوە،
ئەخاتە ناخی گیانەوە
تەزووی بەتام؟