بە چین گرتوویە زوڵفت گردی ڕوخسار
از کتاب:
دیوانی سالم
اثر:
سالم (1800-1866)
2 دقیقه
703 مشاهده
بە چین گرتوویە زوڵفت گردی ڕوخسار
چلۆن سازش دەکا مارت لەگەڵ نار؟
بە خوێن بێ دڵ، بە گەرمی بێتە سەر جەرگ
ئەگەر بێ تۆ دڵم شاد بێ بە گوڵزار
دەڵێم: وەک قامەت و ڕووتە مەهـ و سەرو
گەر ئەم ساحیبقەبا بێ، ئەو کولەهدار
ئەگەر شەبها بەبێ تۆ خوابگاهم
پەڕی قوو بێ، لە پەهڵوومایە وەک خار
سەبا سا بێ بەسەر گێسوویی یارا
دەماغم خوشکە بێ بۆی موشکی تاتار
تولووعی کرد کە خورشید ئاینەی گرت
لە سوبحا عەکسی ماهی کرد نموودار
تعالى اللهعربی چ سیحرێکی بینا نا
لە نەزمی خاڵ و زوڵف و چاو و ڕوخسار
ڕەشی کرد و بڕی، خەم بوو، موزەییەن
بە غازە و سوورمە و میقراز و پەڕگار
بە سونبولزاری زوڵفا کەوتە ناو باغ
لە شەودا دڵ وەکوو شەبگەردی هوشیار
چنیی، گرتی، گەزی، بۆی کرد و لای دا:
بەنەفشە و سونبول و سیب و گوڵ و نار
لە وەختێکا لەگەڵ تۆ ئاشنا بووم
نە مانیع بوو نە حاجیب بوو نە ئەغیار
بە ڕووما وا لە ئەبرۆ تیغی کێشا
وەکوو سەیفی عەلی بۆ سەففی کوفار
نە پێی ڕۆیین، نە ڕێ بۆ دەستی کۆشش
ئیلاهی! کەس نەبێ وەک من گرفتار
دەکێشێ خوێنی سالمتخلص حەرفی ئیسمت
وەکوو مەنسووراعلام ئەگەر ببرێتە سەر دار