ئیمساڵ نەو وەهار چون خەزانی سەرد
از کتاب:
دیوانی مەولەوی
اثر:
مولوی (1806-1882)
1 دقیقه
1215 مشاهده
ئیمساڵ نەو وەهار چون خەزانی سەرد
بەرگی وەردی باغ مەعدوومتخلص بەرد پەی هەرد
مشیۆ تاڵەی من خیلاف ئەنگێز بۆ
وەرنە، کەی؟ کێ دی؟ وەهار گوڵڕێز بۆ
دڵ وە گێجبازیی چەپگەرد بازیش وەرد
جفت ئارەزوو کەرد، چەپگەرد تاق ئاوەرد
بۆی «عەنبەر» نە تۆی دەماخم دوور کەرد
فرسەتش ئاوەرد هەوای وەبای دەرد
نەیچی! وە بێ بەزم یارانی جانی
کام سەفا مەندەن پەی زیندەگانی؟
چون مەزاق تاڵەن جە گردین لاوە
بۆ وە شیرینی یەک دوو نەواوە
یەکێ یەکجاری تاونۆمەوە
ئەو یەک لاونۆم، یاونۆمەوە