بێ ڕوویی تۆ ئەی شاهی زەمین، ماهی زەمانە
از کتاب:
دیوانی زێوەر
اثر:
زیور (1875-1948)
1 دقیقه
1362 مشاهده
بێ ڕوویی تۆ ئەی شاهی زەمین، ماهی زەمانە
دەردی دڵەکەم خاریجی تەسویر و بەیانە
مومکین نییە هەر دڵ کە کەمێ عەشقی تیا بێ
بۆ تیری موژەی تۆ کە نەبووبێ بە نیشانە
وەک خەنجەری جەللادە دوو ئەبرۆیی هیلالیت
خوونڕێژ و دڵازاری هەموو پیر و جەوانە
تیری نیگەهت نیعمەتە بۆ عاشق ئەبارێ
ئەم کونجی غەمی من هەمە، گوڵزاری جینانە
ئاشووبی دڵی عالەمی، جیلوە مەنوێنە
بەم قەددی لەتیفەت کە ئەڵێی سەروی چەمانە
مەیلت هەیە زێوەرتخلص کە کەمێ سەبری بمێنێ
پەخشانی مەکە توڕڕەیی شاهانە بە شانە