ئەرێ لە تەختی بەندەنا

بۆ بەهاری ١٩٤٦
از کتاب:
دیوانی بەختیار زێوەر
اثر:
فایق زیور (1908-1952)
 2 دقیقه  516 مشاهده
# ئەرێ لە تەختی بەندەنا بووە بە مێرغوزار # لە دۆڵ و شیو و چەمەنا ڕەوانە جۆیبار # لە مێرگ و دەشت و گوڵشەنا شەماڵی بێ قەرار # چییە چ باسە گوڵ ڕوان # بەدەستە چەشنی ئاهوان # بە ڕاز و عیشوە و دوان # هەموو لە دەوری شار ئەڕۆن بە کەیف و بێ جەخار
***
# ئەرێ مەلانی زەرد و سوور لە بۆشیی ئاسمان # هەموو بە دەنگی پڕ سروور بە شەو یا بەیان # چییە کە دێنەوە لە دوور بە دەستەی بێ وچان # لە بن چیاوە کانیاو # بە ڕەنگی شیری تازەساو # جگەلەوەی ئەدا لە چاو # لە وەرد و ناو بەیار بە پێچ و دەورە دێتە خوار
***
# وەلێ بەهاری نازەنین ئەکەوتە ناو وڵات # لە ئاسمان هەتا زەمین ئەگۆڕێ کائینات # مەل و گوڵ و دڵی حەزین هیوا پەیا ئەکات # لە هاژەهاگی ئاوی چەم # لە پێکەنینی گوڵ بە دەم # ئەبیسترێ و ئەڵێ بە جەم # کە دەستی کردگار بە ڕێکی دەرئەخا نیگار
***
# منیش هەموو دەمێ لەلام بەهارە فەسڵی خۆش # بە نەشئەی دڵ و غەرام ئەکەومە عەیش و نۆش # ئەمانە خۆشە بەڵام لەکن سەری بەهۆش # بەرامبەری جیهان و ژین # لەبۆ ئەوەی کە باش بژین # ئەبێ بە هەوڵ و ڕاپەڕین # بە ڕەنج و ئیش و کار بەهار بکەین بە دوو بەهار