یەئجووج خەیاڵ گێرتەن قەڵای هۆش
از کتاب:
ئەو شیعرانەی دراونەتە پاڵ مەولەوی
اثر:
مولوی (1806-1882)
1 دقیقه
481 مشاهده
یەئجووجاعلام خەیاڵ گێرتەن قەڵای هۆش
ئەسکەندەراعلام شەوق کەردەن فەرامۆش
چەنگیزاعلام مەینەت موسللەت بییەن
بووعەلیاعلام فیکرم وێش جە یاد شییەن
خەم لاو دان وە تەبع بادی و ئاویم دا
خاک کەردەن وەسەر سەوزەی شادیم دا
حەواسم قووەی جارانش نییەن
زایقە و شامەم بێ تەئسیر بییەن
حەرەکەی زاتیم بێ ئیختیارەن
ڕۆح نە تەدارەک ماوای مەزارەن
کۆچ نامەدەن، ئاخر سەفەرەن
تۆشە زەروورەن ڕا پڕ خەتەرەن
خەسڵەتێم نییەن دڵ پێش وەش کەروون
چەنی وێم سەوقات وە مەحشەر بەروون
مەر کەریم وە مەیل ڕەحمێ کەرۆ لێم
نەنویسۆ نە پام خەسڵەتەکەی وێم
وەرنە نە جوملەی گوناکارانم
ڕووسیای مەجلیس جەرگەی یارانم