مەیۆم جە دەروون
از کتاب:
ئەو شیعرانەی دراونەتە پاڵ مەولەوی
اثر:
مولوی (1806-1882)
1 دقیقه
775 مشاهده
مەیۆم جە دەروون مەیۆم جە دەروون
بۆی بۆپڕووزێ مەیۆم جە دەروون
تاریک کەردەن نەجداعلام، پۆشان بێستووناعلام
گوم کەردەن ناڵەی فەرهاداعلام و مەجنووناعلام
حەوز دەروونم کەیلەن جە هووناو
مەیۆ، مەویەرۆ نە چەم چون شەتاو
ئارام و تاقەت جە لام کۆچ کەردەن
سپای خەم هۆشم وە تاراج بەردەن
فامم زەلیلەن، دەروون زامدارەن
نەیچی ناڵەی نەی ئەمجار وە کارەن
فیدای پەنجەت بوون مەقامێ وەش تەرز
لێدەر تا ڕیشەی دڵ باوەرۆ لەرز
گۆش دەو بە نەوای دڵ نەدیرەکەت
هۆش دەو وە نەغمەی وەش تەحریرەکەت
هیچ خەمێ نازۆ نە دڵ بۆ باقی
بەڵ شۆرۆ وە مەی جای زامان، ساقی
یەکسەر خەیاڵان بڕێشان جە لام
دەس چەرخ چەپ وەس بدۆ سزام