مەیۆم جە دەروون
لە کتێبی:
ئەو شیعرانەی دراونەتە پاڵ مەولەوی
بەرهەمی:
مەولەوی (1806-1882)
1 خولەک
777 بینین
مەیۆم جە دەروون مەیۆم جە دەروون
بۆی بۆپڕووزێ مەیۆم جە دەروون
تاریک کەردەن نەجدناوی تایبەت، پۆشان بێستوونناوی تایبەت
گوم کەردەن ناڵەی فەرهادناوی تایبەت و مەجنوونناوی تایبەت
حەوز دەروونم کەیلەن جە هووناو
مەیۆ، مەویەرۆ نە چەم چون شەتاو
ئارام و تاقەت جە لام کۆچ کەردەن
سپای خەم هۆشم وە تاراج بەردەن
فامم زەلیلەن، دەروون زامدارەن
نەیچی ناڵەی نەی ئەمجار وە کارەن
فیدای پەنجەت بوون مەقامێ وەش تەرز
لێدەر تا ڕیشەی دڵ باوەرۆ لەرز
گۆش دەو بە نەوای دڵ نەدیرەکەت
هۆش دەو وە نەغمەی وەش تەحریرەکەت
هیچ خەمێ نازۆ نە دڵ بۆ باقی
بەڵ شۆرۆ وە مەی جای زامان، ساقی
یەکسەر خەیاڵان بڕێشان جە لام
دەس چەرخ چەپ وەس بدۆ سزام