خوەرشێدەکەی بورج مەلاحەت سپیهر
از کتاب:
ئەو شیعرانەی دراونەتە پاڵ مەولەوی
اثر:
مولوی (1806-1882)
1 دقیقه
929 مشاهده
خۆرشیدەکەی بورج مەلاحەت سپیهر
دوور کەفتەن جە خەت ئیستیواکەی میهر
گەرمەسێر دڵ کەردەن وە لەیلاخ
کڵێڵەش هۆردان دەمەی ئاخ و داخ
تۆف زەمهەریر زەلان ناڵەم
کەردەن وە بریان پای سەعی تاڵەم
فوراتاعلام دیدەم تەمام یەخ کەردەن
گردین ئارەزووم وە سەرما بەردەن
تای ڕشتەی موژەم وە قەترەی ئەسرین
پڕ بیەن جە دوڕ چون خۆشەی پەرویناعلام
ساعیقەی دووریت هۆر تکنا ئازام
دەخیلم ساقی جەمین ئاهیر فام
جەو سەرجۆش خۆم جامێ نار تەڕ
با گرەو بەرۆ گەرمیش جە ئەخگەر
پێم دەر تا پەردەی یەخ کەردەم بۆ گەرم
موتریب وە پەردەی ڕوبابت بێ شەرم
واچە مەهڕوویان وەفاشان نییەن
کێ جە عەهد گوڵ دەوامش دییەن؟
ئەووەڵ منمانان وێشان وە بوڵبوڵ
سەد پەیکان خار مەپێکان نە دڵ
جەو دما پای شەرت مەکێشان وە پەس
بوڵبوڵ جە گوڵشەن مەمانۆ بێکەس
فیدات بام نەیچی کەسم هەر تۆنی
حەکیم زامان کۆنە و هەم نۆمی
لێدەر مەقامێ دڵ باوەرۆ دەرد
ئازیز سڵامەت، من ها کۆچم کەرد