xwerşêdekey burc melaḧet sipîhir
From the Book:
Ew Şî’raney Dirawnete Paɫ Mewlewî
By:
Mawlawi Tawagozi (1806-1882)
1 minutes
965 views
xorşîdekey burc melaḧet sipîhir
dûr keften ce xet îstîwakey mîhir
germesêr dił kerden we leylax
kiłêłeş hordan demey ax û dax
tof zemherîr zelan nałem
kerden we biryan pay se’î tałem
furatNamed-Entity dîdem temam yex kerden
girdîn arezûm we serma berden
tay řiştey mujem we qetrey esrîn
piř byen ce duř çun xoşey perwînNamed-Entity
sa’îqey dûrît hor tikna azam
dexîlim saqî cemîn ahîr fam
cew sercoş xom camê nar teř
ba girew bero germîş ce exger
pêm der ta perdey yex kerdem bo germ
mutrîb we perdey řubabit bê şerim
waçe mehřûyan wefaşan nîyen
kê ce ’ehd guł dewamş dîyen?
ewweł minmanan wêşan we bułbuł
sed peykan xar mepêkan ne dił
cew dima pay şerit mekêşan we pes
bułbuł ce gułşen memano bêkes
fîdat bam neyçî kesim her tonî
ḧekîm zaman kone û hem nomî
lêder meqamê dił bawero derd
azîz siłamet, min ha koçim kerd