حوققەی خەزێنەی تەجەللای زاتی
از کتاب:
ئەو شیعرانەی دراونەتە پاڵ مەولەوی
اثر:
مولوی (1806-1882)
1 دقیقه
714 مشاهده
حوققەی خەزێنەی تەجەللای زاتی
مەکتووب تەفسیر شەئنی و سیفاتی
مەوج مەدۆ زهوور نوور حەق تێدا
هەر وەک مەشعەلێ مەویەرۆ پێدا
هەر عوزو ئەعزام ئیسبات فیکرێن
هەر عوزوێم نە عەین ڕابیتەی زیکرێن
تەمام بەدەن، مەغز و ڕەگ و پۆس
مەشغووڵەن بە زیکر ئیسبات یادۆس
وجوودم یەکسەر خاڵی جە غەیرەن
تەنیا عەکس یار تێدا نە سەیرەن
هەستی و نیستی بەبێ تەوفیرەن
نەیچی هەر تەرزێ یا ها دڵ گیرەن
لێدەر با جەم بۆ پەشێوی هۆشم
ناڵەی حەزینت بەیۆ نە گۆشم
تەئسیرش چون مۆم تاونۆمەوە
وە ئەسڵ مەتڵەب یاونۆمەوە