مەراقی وا لە دڵمایە هەتا قیامەت ئیتر بەسمە
ڕازی بوون
از کتاب:
دیوانی ئەخۆل
اثر:
اخول (1911-1988)
1 دقیقه
501 مشاهده
مەراقی وا لە دڵمایە هەتا قیامەت ئیتر بەسمە
لە حەشریا منم داعی ئەویش شاهید ئیتر بەسمە
کە خوێنڕژاوی ناحەقم لە دونیای ڕوون و بەربادا
بە بەرگی سووری خوێنینم شەهیدێکم ئیتر بەسمە
بەڕاستی پێت ئەڵێم ئەی یار بکە باوەڕ تو بی قورئان
لە باتی خوێنی خۆم واللهعربی غوباری پێت ئیتر بەسمە
بە زاتی یاری بێچون مەمکوژە توخوا بکە ڕەحمێ
ئەوەندە دێمە بەر ڤاپییەکەت لەوێ بم من ئیتر بەسمە
بە زۆری تێمەگە قوربان کە هار و شێت و شەیدا بووم
لەبەر ئەو دەرکەیی تۆدا ئەگەر بمرم، ئیتر بەسمە
لە قەبرا بم بە سەیوانا ئەگەر هاتوو ڕابوردی
لەپاش مردن ئەبم زیندوو ئەویش کەی تۆ ئیتر بەسمە
بە چاوپێکەوتنی ڕووی تۆ وەکوو شاهی سلێمانم
لەسەر تەختی ئەوم ساحێب نگینیشتم، ئیتر بەسمە
بە ئەحمەدتخلص تۆ بکە ڕەحمێ ئەلا ئەی شەمسی دەورانم
بە غەیری خواپەرستی تۆم، گزنگت بوم ئیتر بەسمە