وژینبوکس > پیرمرد > دیوانی پیرەمێرد > وا دەمی دەورەی ڕەواحە گوڵ لە سەحرا ڕەوح ئەدا

وا دەمی دەورەی ڕەواحە گوڵ لە سەحرا ڕەوح ئەدا

از کتاب:
دیوانی پیرەمێرد
اثر:
پیرمرد (1867-1950)
 1 دقیقه  1278 مشاهده
زبان:
کردی مرکزی
قالب:
مثنوی
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
وضعیت بازبینی:
نیازمند ویرایش
فونت:
وا دەمی دەورەی ڕەواحە گوڵ لە سەحرا ڕەوح ئەدا
مل لەگەڵ گوڵدا دڵ ئاگاهی لە سڕڕی لەوح ئەدا
تووری ئاڵی لالە، ئاگری تووری موسا هەڵدەکا
ئەو گڕە وا سڕڕی ئەم سیحری حەڵالە حەل دەکا
هەردە ئاڵ و سوور و مۆرە، وەک کەوای سورمەی عروس
گوڵ گەڵای لوول کردووە وە توڕڕەیی دڵداری ڕووس
ساحەیی وادی لە وادە ڕوویی سەحرا تاوسە
کەڵکەڵەی ئەم موڵکە دووسەد کاوسی لێ ئاوسە
عەکسی میهر و مەهـ لە ئاوا سلسلەی داوی دڵە
تالعی ئەم کوردە وەک ئەو سلسلە سەدری گوڵە
گرمەگرمی هەور و دەردی کێ دەڵێ دڵ دەسرەوێ
ڕۆحی عولووی کورد سەمای ئاماڵی ساماڵی دەوێ