ئەوەی هەقبێژە قەولی ترش و تاڵە
از کتاب:
دیوانی موفتی پێنجوێنی
اثر:
مفتی پنجوینی (1881-1952)
2 دقیقه
846 مشاهده
ئەوەی هەقبێژە قەولی ترش و تاڵە
ئەمن هەرچی ئەڵێم ئەیکەن بە گاڵە
خەیاڵی ژێری لێفەی شەو بەتاڵە
هەتا ڕەنجێ نەدەی گەنجێ مەحاڵە
***
بە ئوممێدی دوعا تۆ دامەنێشە
هەناسەی ڕزق و ڕۆزی هەڵمەکێشە
ئەگەر مەردی وەکوو شێرانی بێشە
شکارت هەوڵە گەر بیکەی بە پێشە
***
ئەگەر سەروەت بە هاوار و دوعا بێ
گەدای سەر جادە هەڵدەگرێ کە شا بێ
بە یەک هەفتە لە دەرد و خەم ڕەها بێ
نەوەک تا ماوە هەروا بێنەوا بێ
***
تەماشای دەسی حاجی کردنی تۆ
گەلێ چاترە لەمانە مردنی تۆ
لە گۆشتی ڕانی خۆت برژێنە بیخۆ
تەمەڵ لێی دامەنیشە دەستەوئەژنۆ
***
بە منداڵی لەبۆ حاجی نەباری
وەکوو تۆ خاو نەبوو ئێسک و دەماری
بە ڕەنجی شانی خۆی بوو کەسب و کاری
بە هیوای کەس نەبوو بۆ کۆڵ و باری
***
چ مانێک و ژیانێکە هەتا سەر
لەبۆ دەسمایە ڕیش و پرچ و مێزەر
ئەسەف بۆ تۆ ئەگەر مەردی و هونەروەر
نەڕێژی چینی عارەق عەینی گەوهەر
***
تەماعی دەوڵەمەند و خێر و ئیحسان
خودا دایناوە بۆ ئینسانی نوقسان
ئەمانە گەر نەبێ ئەمرێ لە برسان
حەرامە بۆ کەسێکی ساخ و ملپان
***
هەتا گەنجی بەکار و خۆخحڵمتن نامشخص بە
لەگەڵ ئەهلی وەتەن یەک ڕۆح و دڵ بە
بە ئەخلاق و تەبیعەت خاک و گڵ بە
بە شەوق و میهرەبانی ڕەنگی گوڵ بە
***
دەروونم کەیل و پڕ دەردی زەمانە
نەبوونی زاڵمێکی بێ ئەمانە
سەعی کردن لە قورئانا بەیانە
بە کفری تێئەگا هەر کەس نەزانە
***
برا بۆ تۆمە من عاجز نەبی لێم
مەڵێ خراپە هەرچی کە من ئەیڵێم
بە پشکۆی جاهیلی سووتاوە ژێر پێم
نەخۆشێکی پەرێشانم لەسەر جێم
***
ئەتۆ موفتیتخلص ئەگەر ئاوازە خۆشی
لەبۆ خۆت بگری تا ئەمری نەخۆشی
بە داخی خەڵکەوە بۆچ وا بە جۆشی
مەتاعی چاکە هەڵبەت ئەیفرۆشی