مەڵێن قەومی هەجیجی بێ تەمیزن
از کتاب:
دیوانی موفتی پێنجوێنی
اثر:
مفتی پنجوینی (1881-1952)
1 دقیقه
778 مشاهده
مەڵێن قەومی هەجیجی بێ تەمیزن
وەیا بێکارە و نابووت و حیزن
لەگەڵ وەحشی ڕەفیقی جووت و ڕیزن
لەبەر چاوی منا یەکسەر عەزیزن
***
بەجارێ نێر و مێ ڕێک تێئەکۆشن
لە ئیش و سنعەتا پڕ فکر و هۆشن
بە ئەسبابی وەتەن خۆ دائەپۆشن
لەجیاتی چا لە توو شەربەت ئەنۆشن
***
لە نووکی پێ هەتاکوو تەوقی سەریان
لە چەشنی ئەویش بۆ ناڵی کەریان
نە ئەڵمانی نە جاپانی ئەناسن
جەهەننەم چش کە کەم بەرگ و لیباسن
***
ئەوی کەسبێ نەزانێ سنعەت و کار
نەمانی چاکە نەک ژینی بە ئازار
نەوەک تەزبیح و ڕیش و پرچ و ڕەشمار
ببێتە چەرخەچی دێهات و ناوشار