ئەوشۆ
از کتاب:
شاری دڵ
اثر:
سید کامل امامی (1903-1989)
1 دقیقه
700 مشاهده
چ خۆش بەزمێکە بەزمی یارە ئەوشۆ
دڵم جێڕاوگەیی دڵدارە ئەوشۆ
دەڵێن یارم لە شەودا دێ و لە خەودا
لە بێداری دڵم بێزارە ئەوشۆ
سەبا، موژدەی بەرە بۆ شاری عوششاق!
کە مەجلیس خۆش و بێ ئەغیارە ئەوشۆ
لە نێو پێچپێچی زولفی، بولبولی دڵ
خەریکە دێ و دەچێ، سەییارە ئەوشۆ
گوڵی دڵ سیس و پەژموردە و چەمیبوو
بە وەسڵی یاری شەونمدارە ئەوشۆ
وەکوو یۆسف لە زیندانێ وەدەرکەوت
بە سەد عیززەت عەزیزی شارە ئەوشۆ
لە وێرانەی دڵمدا ئێستە دڵدار
بەبێ میننەت شوکور میعمارە ئەوشۆ
تەماشا قافیە و شێعرم لە شۆقی
چ مەوزوونە و چ چابوکسوارە ئەوشۆ
لە جەولانگەی سەنا و تاریفی یارم
قەڵەم ئەسپێکی تەعلیمدارە ئەوشۆ
ئەگەر موو بێ، لغاوی نایپسێنێ
ئەگەرچی کارەکەی هەر غارە ئەوشۆ
ڕەقیب زانی: بە کار نایە «ئیمامیتخلص»
لە خۆی بێزارە، تارومارە ئەوشۆ
عەسەس بێکارە ما، دەرچوو لە مەیدان
کوتی سەردەرکە، ماڵ بسیارە ئەوشۆ
«ئیمامیتخلص»ش وا لە سایەی قەندی لێوت
وەکوو تووتی شەکەرگوفتارە ئەوشۆ