تاڵ و سوێری
از کتاب:
شاری دڵ
اثر:
سید کامل امامی (1903-1989)
1 دقیقه
563 مشاهده
کوتم با ڕوو لە یار و ئاشنا کەم
کە بەشکم دەردی دڵ تۆزێ دەوا کەم
بەڵام یارم نەیار بوو، ئاشناشم
دەڵێ نەمدیوی، ناتناسم براکەم
کە تەوفیریان نییە چ بکەم خودایا
لەگەڵ بێگانە، یاران چۆن جیا کەم؟!
کە ڕووناکی نییە بۆ من لە هیچ لا
لە هەر شوێنێ، دەبێ هەر بێم و ڕا کەم
ئەمن هەر تاڵ و سوێریم دی لە دنیا
دەبێ کەی بێ خودا ڕۆژی جەزاکەم؟
کە جەرگم کون کونە، ئەوچەل لەوێڕا
دەبێ زووخاوی چەند ساڵەم ڕەها کەم
«ئیمامیتخلص» پاشی ئەندامی لە قیس چووی
دەڵێ هەر گیانە ماوە، با فیدا کەم