نامەی بانگهێشتن
از کتاب:
شاری دڵ
اثر:
سید کامل امامی (1903-1989)
1 دقیقه
625 مشاهده
قەدەم هەڵبێنە خۆش کە خاتری تەنگ
بەپێی خۆت بێنە شادی و کەیف و ئاهەنگ
خەریکی ڕشتنی ڕەنگی عەرووسین
بەبێ تۆ ڕیسی ئێمە ناگرێ ڕەنگ
ئەتۆ سەرقافڵەی ڕێگەی مرادی
منیش کوێستانە ڕێگەم، قافیەم تەنگ
ئەوا چاوم لە سەر ڕێتە بەبێ هەست
ئەوا ڕۆحم لە بەر پێتە، بەبێ دەنگ
دڵی بێچارە بۆ تۆ وەک کەبابە
نییە بێ تۆ، شەڕابی ناب و گوڵڕەنگ
هەموو ئەسپابی شادی، گردوکۆیە
کەچی بێ تۆ تەرازووی عەیشە لاسەنگ
وەرە تۆ سەیقەلی بۆ قەلبی «کامیلتخلص»
بە لوتفت لابەرە گیانە لە دڵ ژەنگ