لەمەو لا شەرتە نەدوێم و نەیڵێم ڕازی پەنهانی
از کتاب:
دیوانی موفتی پێنجوێنی
اثر:
مفتی پنجوینی (1881-1952)
2 دقیقه
1593 مشاهده
لەمەو لا شەرتە نەدوێم و نەیڵێم ڕازی پەنهانی
لە دەستی دەرنەکەم عومرم بە بێهودە بە نادانی
دوعا بۆ هیچ کەسێ ناکەم نە بۆ بەرزی نە بۆ نزمی
نە ڕووسیم و نە یۆنانی نە جاپانی نە ئەڵمانی
کەسێکم بێ دەس و بێ سەر لە قەومێکم پەنا بە خوا
نە دەرمانم لەلای تورکە نە هیوامە بە ئێرانی
لەتاو دەردی گرانی نان و بەرگم چاوەڕێی مەرگم
ئەڵێم یا ڕەببی کەی دەرچم نەجاتم بێ بە ئاسانی
گەزێ چیتی ڕزیوی یازدە فلسی ئێستە مام حاجی
بە سێسەد فلسی نادا لای نەما یەک زەڕڕە حاڵزانی
زەخیرە و گەنمەکەی پێراری ئاغا و بەگ لە چاڵایە
هەمووی ئەسپێ سەری تێکرد و من مردم بەبێ نانی
ئەوا ئەمڕۆ شوکور ئۆخەی حکوومەت وەک شەکر بردی
هەمووی دابەش ئەکا لێمان بەبێ فەرقی و بە یەکسانی
ڕەشیدی قەومەکەیشم هەر دەف و کەشکۆڵ و تەزبیحە
هەموو تۆپ و دەبابە و دەبدەبەی شمشێر و قەڵغانی
لە برسانا ئەمردین هەروەکوو حەربی زەمانی زوو
ئەگەر نەبوایە بێ شک سێبەر و ڕەحمی بەریتانی
کە من بمرم لەژێر باری زەلیلی و بێکەسی ئەمڕۆ
بە من چی دەبدەبەی شاهی سەلاحەددین و بابانی
بەبێ غایە و ڕیا موفتیتخلص بڵێ دایم هەتا ماوی
فەقیر پەروەر، هونەروەر هەر بژین خەڵکی سلێمانیمکان