دڵ بیەن سەرشار
از کتاب:
دیوانی خانای قوبادی
اثر:
خانای قبادی (1704-1778)
2 دقیقه
755 مشاهده
دڵ بیەن سەرشار، دڵ بیەن سەرشار
دڵ بیەن جە جام مەعسییەت سەرشار
کەس نییەن چون من عاسیی خەتابار
عیبرەت لێم گرتەن تائیفەی کوففار
«يا دائم الفضل!عربی» ڕەحمەت بێشومار
«احفضي بالفضل، من عذاب النارعربی»
من بەندەی موزنیب ساحێب تەقسیرم
بەردەن هەوا و نەفس، نامت جە ویرم
هەرچەند شایستەی حەبس تەعزیرم
بافت سزای سەخت نار سەعیرم
«يا عظيم العفو!عربی»، تەوبە و ئیستیغفار
«احفظني بالفضل من عذاب نارعربی»
مەئیووسم کەردەن هەوای نەفس شووم
غەیر جە زات حەق کەس نییەن ئەرجووم
فرێ ڕووزەردم جە فیعل مەزمووم
نەدارۆن تاقەت نائیرەی زەقووم
«يا كثير اللطف!، قديم الاخبارعربی
احفظني بالفضل من عذاب النارعربی»
مەلەرزوون جە خەوف چون شاخ عەرعەر
جە هەیهات هەیهات سەخت پڕخەتەر
جە تەنافبازیی سیرات مەحشەر
جە نرکەی نیران نائیرەی سەقەر
«يا غافرالذنب، ذالجود، جبار!عربی
احفظني بالفضل من عذاب النارعربی»
سەفابەخش بەزم سۆفیان ساف
نیگارندەی چەتر بەرز بێتەناف
«عميم الاحسان، خفي الالطافعربی
ساترالعيوب جة قاف تا بة قاف!عربی
باجەتی ڕەسوول سەیید موختار
«احفظني بالفضل من عذاب النارعربی»
خاناتخلص ها جە خەوف زەمزەمەی حیساب
جە شەکوەی دیوان «شديدالعقابعربی»
چون مەل نە ئایر، جەرگشەن کەباب
هەردەم مەواچۆ بێ پەردە و حیجاب
«يا جل الاحسانعربی»، سڕپۆش سەتتار!
«احفظني بالفضل من عذاب النارعربی»