ئازیز شاکەلی ئازیز شاکەلی
از کتاب:
دیوانی شاکەلی
اثر:
شێخ عوسمان نەقشبەندی
3 دقیقه
880 مشاهده
کۆمەڵە شیعرێک کە حەزرەتی شێخ عوسمان فەرموویەتی وە چەن هۆنراوەیەکی بە بۆنەی کۆچی دوایی خوا لێخۆشبوو شێخ ئەحمەدی شاکەلییەوە فەرمووە کە لە چاپی یەکەم دیوانەکەیدا چاپ نەکراوە.
ئازیز شاکەلی ئازیز شاکەلی
ڕوخسارت نەشئەی ڕشتەی سوهەیلی
جەژنەن شادیەن موبارەک بادی
دەس لەگەردەنەن لە ڕووی ئازادی
ئازیزان گردین بە کامەرانی
مەنەوازان یەک یەک وە فەرەح ڕانی
مەحبووبان پۆل پۆل وەڕاگوزەردا
چون ئاهوی خوتەن مەیان نەوەردا
ساتی مەشینان وە لەنجەو لارە
جەرگی دڵداران مەکەران پارە
پاوەن مەکەرا وەنیم نیگای ناز
ئاهوی ڕەم کەردە نەقوڵەی پەرواز
ئاهوی خۆش خەرام تۆیش دی وەلاوە
ساتی ڕەم کردە و دیای وەولاوە
نە بارامی گۆڕ نە ڕۆسەمی زاڵ
نەووستەن نەدام وەی تەورە غەزاڵ
یاران بنوازان بنازی شیرین
شیرین و فەرهاد ماوەران وەشین
شنۆی نەسیمەی عەنبەر بۆی زۆڵفان
کاکۆڵ تەڵایین مشکین کڵافان
وەیشومەی نازی نازگ نەو ماڵان
داغ مەنیان نە دڵ وە سوسەن خاڵان
چە لایەق دارو ئاهوی چەریدە
بەبان وەڕەفیق یاری گوزیدە
پەنجەی شمشادی هانە ڕووی قەدەح
وە عشوە و دەلال لەب خەندە و فەرەح
پەنجەش ماوەرنەو روی فەخفوری
وە نەغنەی شیرین زێلەی بلوری
وە زاێلەی بەرز نەوای فەخفوری
ماچۆ یا ڕەبی ئەنتە غەفوری
وە بادەی نابێ شیرین مەهوەش
دڵ ماران وەڕەقس ڕەقاسی دڵ کەش
ئیتر چێش واچو یاری شاکەلی
باسی مەحبووبان ڕەشتەی ئیلاهی
***
بە بۆنەی کۆچی دوایی شێخ ئەحمەدی شاکەلییەوە
شاکەلی یاڕەب گڵکۆی جەننەت وار
پڕ بۆ جە ئەنوار حەیی کردگار
داخم دووریتەن وەرنە ڕۆح نزیک
ڕۆح و ڕۆح ئاگان هەر جەستەن تەریک
مەرمان قەدرت نەزانان زەریف
بەیان نە مەیدان بەبان نە عەریف
بزانان ڕمووز ڕەمزی ئاشقی
بایان وە مەجلس ساقی و ڕاقی
بزانان قەدرت بگێران نە دڵ
بەبان وە هەمڕاز مەنزەڵ وە مەنزەڵ
ڕوح و جسم و جان و بادە مەخمور
دڵ ئاوا کەران چۆن بەیتەل مەعموور
خەمم پەی دوریت تا قام قیام
ئەدیبی عاشق شۆخی وەش کەلام
***
بە بۆنەی کۆچی دوایی شێخ ئەحمەدی شاکەلییەوە
هەزار ئافەرین کۆی نووری ئیمان
نەشئەی نەسیمەی ئیمان نەسیمان
دیانی ڕوخسار و چهرەی گەڵ گەڵی
گەڵاڵەی سوورەی دەشتی شاکەلی
جەماڵ نومەنەی شەهیدانی بەدر
ڕۆحت ئەحیا بێ لە لەیلەتول قەدر
ئامانی یانەت وویانەی شەوقم
فراقت پەی کەرد گشت شەوق و زەوقم
نەمەردەن ئەو کەس دڵ زندەن وە عشق
عەشقی ئیلاهی کەردەن وە سەرمەشق
مەزار پڕ نوورت دیانی وەچەم
بەرشی جە خاتر گردین هەم و غەم
عوسمان کەرد سەنای ئەحسەنل مسوای
سەر ڕەشتەی خالیق جەننەتل مەئوای
***
دیسان بۆنەی کۆچی دوایی شاعری بە ناوبانگ شاکەلییەوە
سەد داخ پەرێ تۆ شاکەلی ئەدیب
ئەشعارت ڕموز مەعانی لەبیب
سەد ڕەحمەت جە تۆ، پەی تۆبەی ڕاست
عەشقی حەقیقی ڕاستی و ئیخلاست
مەزاری پڕ نوور شوعلە ئەفشانەن
سیمای نوورانی پڕتەو نیشانەن
ڕووی ئاڵت کە دیم نە گوڵ کو وەچەم
بەرشی نەخاتر حەسرەتان سەرجەم