لە عالەم فاش و مەشهوورە کە من مەستی مەیی عیشقم
از کتاب:
دیوانی سەیفولقوزات
اثر:
صیف القضات (1876-1945)
2 دقیقه
818 مشاهده
لە عالەم فاش و مەشهوورە کە من مەستی مەیی عیشقم
بە حوققەی دەم، بە جامی دیدە، مەمکی تونگی مینا بێ
لە حوجرەی عیشقدا ئەمشەو موتاڵام «حاشیە»ی زولفە
بە لالەی کوڵمی گوڵگوونی بە دوو شەمعی هەڵایسابێ
لە ئاهی عاشقی ڕووتە غوباری عاریزی سافت
دەنا جامی بلووری خەددی تۆ کێ دی خەتی دابێ
خەیاڵم شەونخوونی بردەسەر دەستەی سپای زولفت
دەبێ ئەمشەو لەبەر وی بێ کە وا مەغشووش و شێوابێ
تەنافی گەردنم کە زولفی زوننارت، کە بێزارم
چ خۆشە گەر بڵێن عاشق بە زولفی یار خنکابێ
کەنارم جۆیبار و دامەنم پڕ گوڵ لە ئەشکی سوور
ئەگەر مەیلی قەدیمیشی نەمابێ بۆ تەماشا بێ
عەیارێکی نییە دڵ دڵبەرا! کێشانی پێ ناوێ
کەبابی جەرگ سووتاوە، یەقینە قیمەتی نابێ
تەن و ڕۆحم لە تەحت و فەوقەوە مەشغووڵی جۆڵایین
دەبێ بەو ساعیدی سیمین تەنافی زولفی هەڵدابێ
دوو چاوی من تەمی هێنا کە تۆ زولفت بەڕوودا خست
شەوی یەڵدایە ئەوڕۆ یا مەگەر خورشیدە گیرابێ
لەنێو زوڵماتی ئەگریجەت شوعاعی ڕووتە دەنوێنێ
تەجەللی نوورە، یا زاهیر لە جانب تووری سینا بێ
ستارەی بەختی من ئەوشۆ تلووعی کرد کە تۆ هاتی
سبەینێ و ڕۆژە لەم عیدە، بڵێ نوور و سەفای وا بێ
لە سایەی هیممەتی پیرە حەسەنتخلص! دوشمن موتیعی تۆ
دەنا سەی بەد تەرەس کێ دی بەبێ زەحمەت پەتی دابێ؟