یاران کێ دیەن
از کتاب:
دیوانی سەیدی
اثر:
صیدی (1785-1849)
1 دقیقه
1594 مشاهده
یاران کێ دیەن، یاران کێ دیەن
سەر ڕشتەی خەمان چوون من کێ دیەن
قەلبم جە بۆتەی زەڕەی خەم بیەن
ڕۆحم بە خەمناک ئی قاڵب شیەن
ئەسڵم جە خەمەن، جە خەم بیەنا
بابۆ من خەما، خەمان دیەنا
سەر تا پام خەمەن، جە مەدرەسەی خەم...
دەرسی خەم وانام، جەلام بیەن جەم
دەرسم هەر خەمەن، هەر خەم مەوانوو
غەیر جە خەم فێشتەر هیچ نمەزانوو
هەرکەس خەمگینەن بەیۆ وەلای من
خەم چەنی خەمان زوو مەبۆ ساکن